У Полацкім музеі-запаведніку прайшоў Дзень латвійскага мастацтва

Учора ў Нацыянальным Полацкім гісторыка-культурным музеі-запаведніку прайшоў Дзень латвійскага мастацтва. У Музеі беларускага кнігадрукавання, філіяле запаведніка, адбылося мерапрыемства «Дзень латвійскага мастацтва ў Полацку: пластыка формы, пластыка вобраза». Такая назва выбрана не выпадкова і звязана з тым, што Дзень быў прысвечаны медальернаму мастацтву і мастацтву кіно сучаснай Латвіі. Праект быў рэалізаваны пры непасрэдным удзеле Консульства Латвійскай Рэспублікі ў Віцебску і асабіста консула Угіса Скуя.

У гэты дзень у Музеі была адкрыта выстава «16-е Латвійскае трыенале медальернага мастацтва». Пра канцэпцыю выставы, удзельнікаў і прадстаўленыя экспанаты расказаў яе куратар, мастацтвазнаўца Міхаіл Цыбульскі. Выстава будзе працаваць да канца чэрвеня.

Госця з Рыгі прадзюсар Елвіта Рука прадставіла полацкай публіцы фільм «Падарожжа Мэры». Стужка расказвае пра лёс Мэры Грынберга, якая ў гады Вялікай Айчыннай вайны выканала свой прафесійны доўг - захавала скарбы з фондаў Нацыянальнага музея Латвіі, якія былі вывезены нацыстамі. Мерапрыемства прывабіла не толькі музейных супрацоўнікаў і аматараў мастацтва, але і будучых спецыялістаў у сферы турызма - навучэнцаў каледжа ВДУ імя П.М. Машэрава, літаратараў з аб'яднання «Наддзвінне» і многіх жыхароў Полацка і Наваполацка, якія цікавяцца культурным жыццём рэгіёну.